ఉస్మానియా లో జ్యోతిష్యశాస్త్ర కోర్సులను ప్రవేశపెట్టాలి

-
" ఉస్మానియాలో జ్యోతిష్యశాస్త్ర కోర్సులను ప్రవేశపెట్టాలి "
- ఓయూ లో ప్రత్యేక జ్యోతిష్యశాస్త్ర పరిశోధన విభాగాన్ని ఏర్పాటుచేయాలి - డా" మోహనకృష్ణ భార్గవ

4 ఏప్రిల్, సోమవారం, హైదరాబాద్ : ఉస్మానియా విశ్వవిద్యాలయంలో జ్యోతిష్యశాస్త్ర కోర్సులను ప్రవేశపెట్టాలని, ప్రత్యేక పరిశోధన విభాగాన్ని ఏర్పాటు చేయాలని ఫ్యాకల్టీ ఆఫ్ సైన్స్, ఉస్మానియా డీన్. ప్రొఫెసర్ అనుమల్ల బాలకిషన్ గారిని డాక్టర్ మోహనకృష్ణ భార్గవ కోరారు. సోమవారం ఓయూ కాంపస్ లోని డీన్ కార్యాలయం లో వారిని కలిసి వినతిపత్రం అందించారు. వారితో మోహనకృష్ణ మాట్లాడుతూ ప్రాచీన భారతీయ వాఙ్మయములైన వేదములలో జ్యోతిష్యశాస్త్రం ప్రధాన విభాగమన్నారు. జ్యోతిష్యము, జ్యోతిర్వైద్యము, గణిత సిద్ధాంతం, వాస్తు, ప్రశ్న, నాడీ, హోరాశాస్త్రం వంటి అనేక విభాగాలతో ఖగోళశాస్త్ర, సాయణ, నిరయణ సూత్రాలతో పూర్తి శాస్త్రీయత కలిగివున్న జ్యోతిష్య శాస్త్రాన్ని భారతీయులే కాకుండా పాశ్చాత్య దేశాలలోను ఖ్యాతి పొందిందన్నారు. ఇటువంటి జ్యోతిష్యశాస్త్రాన్ని ఉస్మానియా విశ్వవిద్యాలయం సైన్స్ డిపార్ట్మెంట్ లేదా ఆర్ట్స్ డిపార్ట్మెంట్ లో ఒక విభాగాన్ని కేటాయించాలని కోరారు. రెగ్యులర్, డిస్టెన్స్ మోడ్ లలో జ్యోతిష్య బోధన అందించడం ద్వారా వేద ఆధారితమైన సశాస్త్రీయ జ్యోతిష్యాన్ని ప్రజలకు మరింత చేరువ చేసే అవకాశం లభిస్తుందన్నారు. తద్వారా సమాజానికి మార్గనిర్దేశన చేయగలిగే సమర్థవంతమైన జ్యోతిష్య నిపుణులను అందించిన ఘనత ఉస్మానియా యూనివర్సిటీకి దక్కుతుందన్నారు. బనారస్ హిందూ యూనివర్శిటీ, శ్రీ వేంకటేశ్వర వేదిక్ యూనివర్సిటీ, పొట్టి శ్రీరాములు తెలుగు యూనివర్సిటీ వంటి పలు విశ్వవిద్యాలయాలు జ్యోతిష్యశాస్త్రాన్ని పాఠ్యాంశంగా బోధిస్తున్నాయని గుర్తుచేశారు. జ్యోతిష్యాన్ని వేదిక్ సైన్స్ గా పరిగణలోకి తీస్కుని
సర్టిఫికేట్, డిప్లోమా, పీజీ డిప్లోమా, బీఏ, పీజీలతో పాటుగా పిహెచ్‌డి పరిశోధనలకు అవకాశం కల్పించవలసినదిగా కోరారు. ఓయూ డిస్టెన్స్ ఎడ్యుకేషన్ లో పూర్వం జ్యోతిష్య కోర్సులు బోధించగా ప్రస్తుతం కోర్సులను తీసివేసిన విషయాన్ని ప్రస్తావించి, వాటిని పునరుద్ధరించవలసిందిగా కోరారు. అందుకు డీన్ బాలకిషన్ గారు సానుకూలంగా స్పందించారు. త్వరలో ఈ విషయాన్ని విస్తారమైన చర్చ జరిపి నిర్ణయం తీసుకుంటామని, పై స్థాయికి విషయాన్ని చేరుస్తామని హామీ ఇచ్చారు. ఓయూ వైస్ చాన్సలర్ డి. రవీందర్ గారికి మరియు డిస్టెన్స్ డిపార్ట్మెంట్ లకు అభ్యర్థన లేఖలు, మెమొరాండం అందరజేశారు. ఈ సమావేశంలో శాయితేజ భార్గవ, రాజేంద్ర భార్గవ, ఆంజనేయులు భార్గవ పాల్గొన్నారు.

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

సిద్ధులగుట్ట (సిద్ధాద్రి) చరిత్ర, వైభవం, మహాత్మ్యం | మోహనకృష్ణ భార్గవ

-
చిత్రం
శ్రీ స్వయంభూః సిద్ధేశ్వర స్వామి దేవస్థానము కొడవటూరు సిద్ధులగుట్ట (సిద్ధాద్రి) చరిత్ర, వైభవం, మహాత్మ్యం (సంవత్సరమునకు చింతాకు పరిమాణం పెరుగుతున్న ఏకైక స్వయంభూః శివలింగం) పరిశోధన వ్యాస రచయిత : డా. మోహనకృష్ణ భార్గవ ఓం.  శుద్ధాయ బుద్ధాయ తధైవనిత్యం, ముక్తాయ సిద్ధాయ తధేశ్వరాయ !  ఏవం భవన్త్యై భవ వామగామై, భూయాంపిమేసంతు నమాంసి నిత్యం !! ఓం.  మహాతీర్థ రాజస్య తీరే విభాంతం, మహాభూతిరూపం మహాత్మైక వేద్యం !  మహాసిద్ధిపూర ప్రధానైక దక్షం, భజామైవ సిద్ధేశ్వరం సిద్ధ శంభుమ్‌ !! (మోహనకృష్ణ స్వయంగా ప్రచురించిన కరపత్రాలు) ఉపోద్ఘాతం - శైవమతము మనిషి మోక్షగామి, నిత్యాన్వేషి.. పునర్జన్మ లేనటువంటి శాశ్వత జీవన్ముక్తి కొరకు నిరంతరం తాపత్రయ పడుతుంటాడు. ‘శం కరోతితి శంకరః’ అన్నట్లుగా మనిషి జీవితంలో దుఃఖాలను దూరం చేసి సుఖసంతోషాలను, భోగభాగ్యాలను ప్రసాదించి, చివరన శాశ్వత కైవల్య ముక్తి ప్రసాదించే ఈశ్వరత్వం కలిగినవాడు పరమేశ్వరుడు.  ఆది అంతము లేని ఆదిపురుషుడు, సకల చరాచర సృష్టికి మూలపురుషుడు, సాకార నిరాకార అనంత శక్తి స్వరూప సర్వేశ్వరుడు, అనం...
Read more »

పీడిత ప్రజల గొంతుక, తెలంగాణ బెబ్బులి నల్లా నరసింహులు | వ్యాసం | మోహనకృష్ణ భార్గవ

-
చిత్రం
"పీడిత ప్రజల‌ గొంతుక, తెలంగాణ బెబ్బులి నల్లా నరసింహులు" (జననం : 02- 10 - 1926, మరణం : 05 - 11 - 1993) కడ'వెండి' గిన్నెలో కడిగిన తెల్లని ముత్యమతను/ శ్రమజీవుల బువ్వకుండలో కుతకుత ఉడికిన ఎర్రని మెతుకతను/ దోపీడీ గడీలపై సంఘమయి/ దౌర్జన్యాల మీద గుతుపయి‌/ పీడితుల్ని ఏకం చేసిన  'నల్ల పులి' అతను.. - మోహనకృష్ణ తెలంగాణా ఉద్యమ చరిత్రలో గుర్తింపు నోచుకోలేక చీకటిలో మిగిలిన వీరులెందరో.. సాయుధులై నేల రాలిన తారలెందరో.. పోరు వెనుక దాగిన కన్నీటి గాథలెన్నో.. వారి త్యాగాలను స్పృశించి, గౌరవించాల్సిన బాధ్యత మనందరిది. ఇదే కోవకు చెందిన మరో తార, సాయుధ పోరాటానికి ఊపిరిగా నిలిచిన తెలంగాణ బెబ్బులి, నల్ల పులి నల్లా నర్సింహ్ములు.. ఆయన ఉద్యమ ప్రస్థానంపై విస్తృత చర్చ, పరిశోధన, ప్రచారం అవసరం.. (1 అక్టోబర్ 2023 రోజున - ప్రజా మంటలు దిన పత్రికలో ప్రచురితమైన వ్యాసం..) ' జనగామ' పోరాటాల పురిటి గడ్డ. భూమి కోసం, భుక్తి కోసం, వెట్టి చాకిరీ విముక్తి కోసం, బానిస సంకెళ్ల నుండి స్వేచ్ఛ కోసం పోరాడి నేల రాలిన అమరులెందరో ఈ నేల చరిత్రలో శాశ్వత స్థానాన్ని నెలకొల్పుకున్నారు. సర్...
Read more »

మువ్వన్నెల జెండా వీరులు | బాలగేయం - కవిత

-
చిత్రం
"మువ్వన్నెల జెండా వీరులు" (బాల గేయం - కవిత) కూ.. చికుబుకు బండి సప్తవర్ణాల వెలుగండి తారాజువ్వల తలుకండి తొందర తొందరగా ఎక్కండి చికుబుకు చికుబుకు రైలండి కూ కూ.. చికుబుకు బండి.. కూ.. చికుబుకు బండి ఎక్కడి ఎక్కడి కెల్తుందండి బాలల మండి తారలమండి పట్నము షికారు వెల్తామండి కలల సౌధాన్ని చూస్తామండి కూ కూ.. చికుబుకు బండి.. కూ.. చికుబుకు బండి పల్లెలు దాటి వెల్తుందండి పట్నం దారి‌న పోతుందండి స్వప్నాల వీధులు చుట్టేస్తుందండి జాబిలి వైపు పరిగెడుతుందండి కూ కూ.. చికుబుకు బండి.. కూ‌‌.. చికుబుకు బండి టిక్కెట్టు ఎంత కట్టాలండి సాహసయాత్రకు బయలెల్లామండి కల్మష మెరుగని చిరునవ్వండి మనసున తామర వికసించాలండి కూ కూ.. చికుబుకు బండి.. కూ.. చికుబుకు బండి బాలలు మీరు తోడుగ లేరు పట్నం దారిన వెల్తే షికారు దొంగలుంటారు పట్టుకెల్తారు డబ్బులున్నాయ దోచుకెల్తారు చిన్నారు చివరికి మిగిలే కన్నీరు కూ కూ.. చికుబుకు బండి.. కూ.. చికుబుకు బండి బాలలమని దిగులే పడకండి ధైర్యం ఒడిలో కలతలు మరువండి సుభాషుడు మాకు తోడుంటాడండి శివాజీ నీడన నడిపిస్తాడండి గుండెలో జ్వాలే రగలాలండి కూ కూ.. చికుబుకు బండి.. కూ.. చికుబుకు బండి అమ్మో, మీరు...
Read more »