Dr. MohanaKrishna Bhargava

మట్టి వాసన - పూలపరిమళం  (పద్మాంజలి జాతీయ మాస పత్రిక మే నెల సంచికలో) (అగ్రగామి వార పత్రికలో ప్రచురితమైన వ్యాసం - 21-04-2022) కవిత్వం సామాన్యుడిని, సమాజాన్ని కదిలించగలిగినపుడే ఆ కవికి గాని కవిత్వానికి గాని సార్థకత దక్కుతుంది. మనిషి శాశ్వతం కాదు కాని తన భావాలు, సాహిత్యం మాత్రం శాశ్వతంగా నిలిచిపోతాయి‌. ఏనాటికి నశించనిదే అక్షరం. అవి సమాజంలో చైతన్యానికి, మార్పుకి కారణమైతే ఏనాటికైనా ఆ ఘనత తప్పకుండా కవికి దక్కి తీరుతుంది. సమాజాన్ని చైతన్యం చేయడానికే తపించే కొందరు కవులను అభ్యుదయ కవులుగా పిలుస్తుంటాం. సాహిత్యం అంటే అక్షరాలను వెదజల్లడం కాదు. తానుకూడా ఆ భావాలకి కట్టుబడివుండి బతికి చూపించేవాడే అసలైన అభ్యుదయ కవి అవుతాడు. రాముడు ధర్మాన్ని ఆచరించమని బోధించి వదిలేయలేదు, ముందు తన ధర్మాన్ని నిర్వర్తించి చూపించాడు కనుకే ఆదర్శపురుషుడయ్యాడు. తాను నమ్ముకున్న సిద్దాంతాలకు కట్టుబడివున్నవారెవరైనా సరే సమాజానికి ఆదర్శప్రాయులే అవుతారు. రాయలవారి ఆస్థానంలో అష్టదిగ్గజాలు అనే మహాకవులను పోషించారు. అది రాజ్యానికి సాహిత్య పోషకులుగా ఎంతో కీర్తినిచ్చిన విషయం. అయితే వారు ఆయా కవులతో అనేక ప...

" ఉస్మానియాలో జ్యోతిష్యశాస్త్ర కోర్సులను ప్రవేశపెట్టాలి " - ఓయూ లో ప్రత్యేక జ్యోతిష్యశాస్త్ర పరిశోధన విభాగాన్ని ఏర్పాటుచేయాలి - డా" మోహనకృష్ణ భార్గవ 4 ఏప్రిల్,  సోమవారం, హైదరాబాద్ : ఉస్మానియా విశ్వవిద్యాలయంలో జ్యోతిష్యశాస్త్ర కోర్సులను ప్రవేశపెట్టాలని, ప్రత్యేక పరిశోధన విభాగాన్ని ఏర్పాటు చేయాలని ఫ్యాకల్టీ ఆఫ్ సైన్స్, ఉస్మానియా డీన్. ప్రొఫెసర్ అనుమల్ల బాలకిషన్ గారిని డాక్టర్ మోహనకృష్ణ భార్గవ కోరారు. సోమవారం ఓయూ కాంపస్ లోని డీన్ కార్యాలయం లో వారిని కలిసి వినతిపత్రం అందించారు. వారితో మోహనకృష్ణ మాట్లాడుతూ ప్రాచీన భారతీయ వాఙ్మయములైన వేదములలో జ్యోతిష్యశాస్త్రం ప్రధాన విభాగమన్నారు. జ్యోతిష్యము, జ్యోతిర్వైద్యము, గణిత సిద్ధాంతం, వాస్తు, ప్రశ్న, నాడీ, హోరాశాస్త్రం వంటి అనేక విభాగాలతో ఖగోళశాస్త్ర, సాయణ, నిరయణ సూత్రాలతో పూర్తి శాస్త్రీయత కలిగివున్న జ్యోతిష్య శాస్త్రాన్ని భారతీయులే కాకుండా పాశ్చాత్య దేశాలలోను ఖ్యాతి పొందిందన్నారు. ఇటువంటి జ్యోతిష్యశాస్త్రాన్ని ఉస్మానియా విశ్వవిద్యాలయం సైన్స్ డిపార్ట్మెంట్ లేదా ఆర్ట్స్ డిపార్ట్మెంట్ లో ఒక విభాగాన్ని కేటాయించాలని కోరారు. రె...

RRR సినిమాకు వన్నెతెచ్చిన పాట -  సుద్దాల అశోక్ తేజ కలం నుండి జాలువారిన "కొమురం భీముడో" "పద్మాంజలి జాతీయ మాసపత్రికలో ప్రచురితమైన రివ్యూ" ఇపుడు దేశం మొత్తం ఎవరినోటా విన్నా ఒకటే మాట వినిపిస్తుంది. అదే దర్శకధీరుడు రాజమౌళి దర్శకత్వంలో మెగాపవర్ స్టార్ రామ్ చరణ్ తేజ్, యంగ్ టైగర్ జూనియర్ ఎన్టీఆర్ మల్టీస్టారర్ గా రూపొందిన భారీ బడ్జెట్ పాన్ ఇండియా సినిమా ట్రిపుల్ ఆర్. ప్రపంచ వ్యాప్తంగా అనేక భాషల్లో విడుదలైన ఈ సినిమాని చూసిన ప్రేక్షకుల నడుమ ఒకటే చర్చ సాగుతుంది. అది ప్రముఖ సినీ రచయిత, సాహితీ దిగ్గజం సుద్దాల అశోక్ తేజ వ్రాసిన  "కొమురం భీముడో"  పాట. ఈ పాట సినిమా అంతటికి ఒక కీలకమైన మలుపుగా నిలుస్తుంది. ఆ సన్నివేశానికి తగ్గట్లు సుద్దాల పాట, కాల భైరవ నోట, కీరవాణి సంగీతంతో పురుడుపోసుకొని ఎన్టీఆర్ నట విశ్వరూపంతో థియేటర్ లో కూర్చున్న ప్రేక్షల రోమరోమాలను నిక్కబొడుచుకునేలా, ప్రేక్షకుడి రక్తం‌ వేడెక్కి బ్రిటీష్ దొరల గుండెలు చీల్చేయాలి అనేంత ఆగ్రహావేశాలు ఆవహించే విధంగా తెరకెక్కింది. బ్రిటీషర్ల చేతికి చిక్కిన కొమురం భీం ని మేకులతో చేసిన కొరడా దెబ్బలతో చిత్ర...

" ఉగాది కాలమానిని ఆవిష్కరణ " - మన సాంప్రదాయాలను కాపాడుకోవడం మనందరి బాధ్యత  - శ్రీ శుభకృత్ నామ సంవత్సరం ప్రజలందరికీ శుభాన్ని చేకూర్చాలి - రాపోలు ఆనందభాస్కర్ Inauguration Video Calender HD File 1, ఏప్రిల్, శుక్రవారం  : జనగామ పట్టణానికి చెందిన ప్రముఖ జ్యోతిష్య పండితులు, సామాజిక కవి, రచయిత,  డాక్టర్ మోహనకృష్ణభార్గవ ప్రచురించిన సత్సాంప్రదాయక "శ్రీ శుభకృత్ నామ సంవత్సర ఉగాది తెలుగు కాలమానిని(కాలెండర్)" మాజీ రాజ్యసభ సభ్యులు రాపోలు ఆనందభాస్కర్ గారు శుక్రవారం రోజున రాంనగర్ గుండు హైద్రాబాద్ లో గల వారి కార్యాలయంలో ఆవిష్కరించారు. ఈ సందర్భంగా వారు మాట్లాడుతూ మన తెలుగు సంస్కృతి సాంప్రదాయాలను కాపాడుకోవడం మనందరి బాధ్యత అన్నారు. భావితరాలకు మన సాంప్రదాయాలను తెలియజేసే ప్రయత్నంలో భాగంగా యువ వేదాధ్యయి మోహనకృష్ణ  తెలుగుదనం ఉట్టిపడేలా సశాస్త్రీయంగా తిథి వార నక్షత్రాలు, లగ్న కుండలి, శుభముహూర్తాలు తెలుపుతూ అద్భుతంగా రూపొందించిన ఉగాది తెలుగు కాలమానిని ఆకర్షణీయంగా సామాన్యులకు కూడా సులభంగా అర్థమయే రీతిలో ఉందన్నారు. సమాజంలో సాంస్కృతిక చైతన్యం తీస్కురావటానికి ఎంతో వ్యయ ప్రయాసలకోర్చి మోహనకృష్ణ చే...