Dr. MohanaKrishna Bhargava

"వజ్రోత్సవం" ఆజాదీ కా అమృత్ మహోత్సవం | కవిత వజ్రోత్సవమిది.. అజాదీ కా అమృతోత్సవమై మెరిసే.. నీలి గగనం పుష్పామృతమై కురిసే.. పురుడు పోసిన నేల పరవశమై మురిసే.. భరత మాతకు బ్రహ్మోత్సవమిది.. అమృతోత్సవమిది.. హర్ ఘర్ తిరంగా అంటూ.. ప్రతి ఇంటిపై ప్రతి గుండెపై.. భారత శాంతి కపోతం ఎగరే.. వజ్రోత్సవమిది.. కణం కణం భరతమాతకు.. సమర్పణమంటూ.. సర్వాన్ని అర్పించిన.. మహనీయులు త్యాగధనుల.. కీర్తిని చాటే సమయమిది.. అమరుల పాదాలు స్పృశించి.. అశృవులతో అభిషేకించే.. అమృతోత్సవమిది.. గాంధీ తిప్పిన చట్రం.. అశోకుడి ధర్మ చక్రం.. సుభాషుడి చేతి ఖడ్గం.. వివేకుని ధర్మ మార్గం.. వందేమాతర నినాదం.. మహనీయుల బాటే విధానం.. ఇవే మన జాతికి ఆదర్శం.. ఇదే తల్లి భారతీ దర్శనం.. ఇదే స్వాతంత్ర్యానికి నిదర్శనం.. పయోదం దాటి ఎగిరే జెండా.. దేశ ప్రగతికి అమృత భాండా.. ధర్మం కర్మం మోక్ష సాధన.. వేదభూమి వెదజల్లిన బోధన.. లోకహిత సోదర భావన.. సత్యం శాంతి కారుణ్యమృత గగన.. సిరులను తరులను మోసిన అవని.. త్యాగపునాదుల దాచిన పావని.. స్వాతంత్ర్యానికి పండుగ కాదిది.. సమానత్వానికి సంకేతమిది.. ఆజాదీకా అమృతోత్సవమిది.. నవ...

శ్రీ వరలక్ష్మీ వ్రతము సనాతన సంస్కృతిలో.. వ్రత కర్మానుష్టాలు, వైదిక క్రతువులు, ఇతిహాస పౌరాణిక కథల్లో అనేక ధార్మిక సూక్ష్మ సూత్రాలు దాగివుంటాయి.. వాటికి అర్థం చేసుకుంటూ ఋజుమార్గంలో నడుస్తూ.. ధర్మబద్ధమైన, విలువలతో కూడిన జీవితాన్ని తద్వారా జీవితంలో సుఖసంతోషాలను, సమాజంలో గౌరవాన్ని జీవితానంతర శాశ్వత ముక్తిని పొందాలి..  పురాణాల్లో, శాస్త్రాలలో స్త్రీల కోసం వందకు పైగా వ్రతాలు చెప్పబడ్డాయి., కానీ ఇటీవల కాలంలో మహిళలు శ్రావణమాసంలో వచ్చే వరలక్ష్మీ వ్రతాన్ని ఆచరించడానికి ఎక్కువ మక్కువ చూపుతున్నారు.  అందుకు కారణం వరలక్ష్మీదేవి భోగభాగ్యాలకు, సిరి సంపదలకు, సౌభాగ్యానికి ప్రతీక అని.. అయితే మహిళలు వరలక్ష్మీ వ్రత ఆచరణలో దాగిన సూక్ష్మాన్ని మాత్రం గమనించట్లేదు.! భారీ ఏర్పాట్లతో ఘనంగా వ్రతాన్ని ఆచరించడమో, లేక మరే ఇతర ఆర్భాటాలు, దానాలు, సువాసినులకు వాయనాలు అప్పజెప్పడమో అంతరార్థం కానేకాదు.. మనలో దాగొని ఉన్న ఈర్ష్యాద్వేషాలను వదిలి, ప్రతీ స్త్రీలో కూడా లక్ష్మిని దర్శించి, పూజించి, గౌరవించాలి.,  "ఇందిరా ప్రతి గృహ్ణాతు, ఇందిరావై దాదాతిచ" దానం ఇచ్చేది లక్ష్మీయే, పుచ్చుకునేది కూడా లక్ష్మీయ...

గోదాదేవి దివ్య చరిత్ర శ్లో.కర్కటే పూర్వ పల్గున్యాం తులసీకాననోద్భావామ్ !  పాణ్డ్యే విశ్వం భరాం గోదాం వన్దే శ్రీరంగనాయకమ్‌ !! గోదాదేవి సాక్షాత్తూ లక్ష్మీ స్వరూపం. క్రీస్తుశకం ఏడు - ఎనిమిది శతాబ్దపు మధ్యకాలంలో (సుమారు క్రీ.శ. 776.). నలనామ సంవత్సరం,  కర్కాటక మాసం, ఆషాడ శుద్ధ చతుర్దశి రోజున పూర్వ ఫల్గుణి(పుబ్బ) నక్షత్రంలో గోదాదేవి  జన్మించింది. గోదాదేవి అయోనిజ, తులసి వనంలో దొరికిన కమలం. పన్నెండుమంది ఆళ్వారులలో ఏకైక మహిళ. ద్రావిడ ప్రబంధ రచయిత్రి గోదా. తన కావ్యం తిరుప్పావై వందలాది సంవత్సరాలుగా వైష్ణవ క్షేత్రాలలో వెలుగొందుతూనే ఉంది. తాను రచించిన తిరుప్పావై పాశురములనే వైష్ణవ దివ్యదేశాలన్నిటిలో సేవాకలంలో ఉపయోగిస్తారు. ఇక ధనుర్మాసమంతా తిరుప్పావై పారాయణమే ప్రత్యేకం. అంతటి ప్రాధాన్యత పొందినది. గోదా అనే పదం కోదై, గోదై అన్న పదాల నుండి ఉత్పత్తి చెందినది. కోదై అంటే తులసీ మాల అని అర్థం. తులసీవనంలో లభించినది కనుక తనని కోదై అని పిలిచేవాడు తండ్రి  విష్ణుచిత్తుడు. గోదాని విష్ణుచిత్తుడు ముద్దుగా ఆండాల్ అని పిలుస్తారు. అంటే నా బంగారు తల్లీ, అమ్మా.. అనే అనే అర్థం వస్తుంది. ...