Dr. MohanaKrishna Bhargava

చాయ్ పొద్దుపొద్దున్నే గరంగరం చాయ్ తాకన్దే ఏ పొద్దు మొలవదు సల్లబడ్డ నరాల్ని జివ్వున వేడెక్కిస్తది లైఫ్ ని పరుగులెత్తిస్తది ఎంతైనా.. చాయ్ కథే  వేరు కదా..! ఇరానీ మసాలా అద్రక్ గ్రీన్ జింజర్ లెమన్  అబ్బో ఒందళ్లోనే పేర్లు పేరుకు తగ్గట్లే సరుకు  ఉన్నోడు లేనోడు తాగే చాయ్  బిస్లరీ నీళ్లు, మున్సిపల్ నీళ్లు ఉన్నోడికి లేనోడు పలుచన తీరు.. గల్లీ నుండి ఢిల్లీ దాకా రాజకీయ రథాన్ని నడిపిస్తది సర్పంచ్ నుండి మినిస్టర్ దాకా దోస్తాన పాఠాలు నేర్పిస్తది పనులన్నీ ఇట్టే పూర్తి చేస్తది మస్తుగ లోకాన్ని చూపిస్తది.. సాసర్ లేనిదే తాగని సార్లు మలాయ్ కావాలనే హుషార్లు తాగిపడేసే డిస్పోసల్లాంటి వాడుకొని వదిలేసే  పూటకూలీల బతుకుల్లా వాడుకరి జీవాలు.. పొద్దుబోక టైంపాస్ కి   దోస్తుల్తో తాగేటోల్లు కొందరు పొద్దు ఎట్లా గడుస్తదోనని  పొద్దుగూకే యేల గొల్లున  భయంతో తాగేటోల్లు ఇంకొందరు పొద్దంతా ఒళ్లుహూనం  చేస్కుని కష్టపడే శ్రామికుడికి  రోజుకు మూడు పూటల తిండి దొరకని పేదరికానికి ఆకలేస్తే ఆకలిని  చంపటమే ఏకైక మార్గం ఆస్వాదన కోసం కాదు పొద్దంతా ఆకలని చంపటానికి మరికొంత సమయం పనిచేసే ...

మంచిర్యాల "భవన నిర్మాణ సంఘం" ప్రచురించిన  "కార్మికుల ఒరవడి - వారి భవష్యనిధి" పుస్తకం లో కార్మికుల కష్టాలను, వారి స్థితిగతులను ఉద్దేశించి  ............................................ నేను రాసిన కవిత.. " కలిసి సాగిపోదాం " తప్పకుండా చదవండి., 4-08-2021 ............................................ కలిసి సాగిపోదాం  బతుకే ఒక పునాది కాకూడదు నేడది సమాధి సుషుప్తి నుండి చైతన్యంవైపు ఆవేదనల నుండి హక్కులవైపు బాధల నుండి సాధనవైపు  కలిసి నడుద్దాం పస్తుల పుస్తెకు‌ పట్టం గట్టి రాలిన మానుకి మనువు రస్తా వెలుగులతో శోభనం ఆశల‌ ఇటుకలు ఒక్కక్కటి   పేరుస్తూ నిలబెట్టిన జీవితం పేదరిక అప్పుల బాధలతో పేకమేడల్లా‌ గాలికి రాలుతుంటే చూస్తూ చస్తూ బతుకుతున్నాం ఇవే మా బతుకులు అతకలేని కాంక్రీటు గోడలు చేయూతనిచ్చే సారథ్యం కోసం వేచి చూస్తున్న హృదయాలు ఆనందం గా స్వాగతిస్తున్నాం భవన నిర్మాణ కార్మిక సంఘానికి చేయి చేయి కలిపి  తెంచివేద్దాం కంచె చెరసాలల్ని తుడిచివేద్దాం అన్యాయాలని పాతరపెడదాం దౌర్జన్యాలని కలిసి నిర్మిద్దాం నవ సమాజన్ని ఆకలిచావులు లేని నవ భారతాన్ని నూతన ఒరవడితో పోరాడి గెలుద్దాం సంఘటిత...

  " సనాతన వేద సంస్కృతిలో స్త్రీ " రచన : ఎక్కలదేవి మోహనకృష్ణ భార్గవ " వేదాలలో స్త్రీ స్థానం " భారతీయ సనాతన హైందవ సంస్కృతిలో స్త్రీకి అత్యంత పవిత్రమైన పాత్ర ఉన్నది. వేద పురాణ ఇతిహాస సాహిత్యాలలో ప్రధాన స్థానం కల్పించబడినది. నేటి మహిళలు తమ హక్కుల సాధనకై పురుషులతో సమానమైన స్థానాన్ని కల్పించాలని పోరాడుతున్నారు కానీ, భారతీయ సంస్కృతిలో స్త్రీ పురుషుడికన్నా ఎంతో ఉన్నతమైనది. ఎంతో గౌరవించదగినది, పూజింపదగినది.. మహిళను సాక్షాత్తూ భూమాతగా, ప్రకృతి స్వరూపిణిగా, ఆదిశక్తి అంశగా కీర్తిస్తున్నాయి వేద పురాణేతిహాసాలు.. ధరణిలో మహిళకు అందించగల గౌరవం ఇంతకన్నా ఏముంటుంది..! శ్లో" యాదేవీ సర్వ భూతేషు మాతృ రూపేన సంస్థితాః ! నమస్తస్యై నమస్తస్యై నమస్తస్యై నమోనమః !! తా: ఓ దేవీ భగవతీ..! సర్వభూతములయందు మాతృ రూపుములో నివాసమై వున్నటువంటి నీకు సదా ప్రణమిళ్లుతున్నాను.. (చండీ సప్తశతి) శ్లో " యా కుక్షి వివరే కృత్వా స్వయం రక్షతి సర్వతః ! నమామి జననీం దేవీం పరాం ప్రకృతి రూపిణీం !! కృచ్ఛ్రేణ మహతా దేవ్యా ధారితోహం యథోదరే ! త్వత్ప్రసాదా జ్జగద్దృష్టం మాతర్నిత్యం నమోస్తుతే !! పృథి...

ఏకసూత్ర మణిహారం - పోగుబంధం ఆచార్య మసన చెన్నప్ప ఆర్షకవి, ఆర్షకోకిల,  ప్రముఖ సాహితీవేత్త, మాజీ తెలుగు శాఖాధిపతి  ఉస్మానియా విశ్వవిద్యాలయం ప్రముఖ జాతీయ చేనేత మాస పత్రిక "పద్మాంజలి" లో ప్రచురితమైన సమీక్ష.. డా" మోహనకృష్ణభార్గవ ఉన్నత విద్యావంతుడు, జ్యోతిష్య శాస్త్రంలో మంచి పట్టు సంపాదించినవాడు. పట్టుదలగలవాడు కనుకనే అటు సామాజిక రంగంలోను ఇటు రచనా రంగంలోను విశిష్టమైన సేవలందిస్తున్నాడు. వైదిక సంస్కృతిపై గల అభిమానంతో, అభినివేశంతో పురోహిత వృత్తిలో రాణిస్తూ అందరికి హితుడుగా మెలగుతున్నాడు, సన్నిహితుడిగా ఉంటున్నాడు. ఇది అతని మొదటి కవితా సంపుటి, కవితా రంగంలో అడుగుపెడుతూనే తన ప్రత్యేకతను చాటుకున్నాడంటానికి "పోగు బంధం" తిరుగులేని ఉదాహరణ. ఈ సంపుటిలో ఎన్నో కవితా ఖండికలున్నాయి. అవన్నీ మణుల్లాంటివే. మణుల్ని గుది గ్రుచ్చినట్లైతే అది మణిహారం అవుతుంది. ఒకే వస్తువును సూత్రంగా చేసుకొని తయారుచేసిన కవితా మణిహారం " పోగుబంధం" ఈశ్వర సృష్టిలో పుట్టుకతో ఎవడూ బలవంతుడు కాడు. కానీ భారతదేశంలో పుట్టుకతోనే బలవంతులమని చెప్పుకొనే అవకాశం ఉంది. వెర్రి తలలు వేసిన ఈ అవకాశం...

శివుడు - రుద్రుడు - రుద్రాభిషేక విశిష్టత వాగర్థావివ సంపృక్తౌ వాగర్థ ప్రతిపత్తయే ! జగతః పితరౌ వన్దే పార్వతీ పరమేశ్వరౌ !! ఆది పురుషుడు, లయ కారకుడు, సర్వేశ్వరుడు సకల విశ్వానికి మూలపురుషుడు దేవాదిదేవుడు సదాశివుడు పరమేశ్వరుడే "రుద్రుడు"  భగవద్భందువులందరికీ మహా శివరాత్రి పర్వది‌న శుభాకాంక్షలతో - డా" మోహనకృష్ణ భార్గవ శివరాత్రి అంటేనే శివారాధన, ఉపవాసం, జాగరణ..  ఉపవాసం అంటే ఆహారం మానివేయటం కాదు, భగవంతుడికి దగ్గరగా ఉండటం అని అర్థం.. అంటే ప్రతీక్షణం భగవంతుని స్మరించడం‌‌, అందులో భగవంతుడిని భక్తులకు దగ్గర చేసే శివుడికి సంబంధించిన కొన్ని విశేష అంశాలు తెలుసుకునే ప్రయత్నం చేద్దాం..! ఓఙ్కారమన్త్ర సంయుక్తం నిత్యం ధ్యాయన్తి యోగినః ! కామదం మోక్షదం తస్మై ఓఙ్కారాయ నమోనమః !! "శం కరోతితి శంకరః" అనగా సుఖములను కలిగించువాడని అర్ధం. శివుడు అంటే ఆది అంతం లేనటువంటివాడు. సాకార నిరాకార అనంత శక్తి స్వరూపం. అద్వితీయ పరబ్రహ్మ, పరమాత్మ స్వరూపమే పరమేశ్వరుడు.  చతుర్వేదాలతో పాటు శివపురాణం, లింగ పురాణం, వాయిపురాణం, స్కాంద పురాణం, అగ్నిపురాణం, మార్కండేయ పురాణం వంటి పురాణా...